Gipahimangnoan ang mga residente sa Dipolog City human mosaka ang heat index nga gilauman moabot sa 33°C hangtod 41°C kagahapon, Abril 13, nga nasakop sa lebel nga Extreme Caution.
Sumala sa Philippine Atmospheric, Geophysical and Astronomical Services Administration, ang kombinasyon sa taas nga temperatura ug kahumok sa hangin maoy hinungdan sa mas grabe nga bation nga kainit sa dakbayan.
Ubos niini nga lebel, posibleng makasinati ang mga tawo og kalintura sa lawas sama sa cramps ug kapoy tungod sa kainit ilabi na kung dugay nga naa sa init sa adlaw, nga mahimong mosangpot sa seryosong risgo sa panglawas.
Giawhag ang publiko nga mag-inom kanunay og tubig, likayan ang paggawas sa alas 10 sa buntag hangtod alas 4 sa hapon, ug magsul-ob og preskong bisti samtang ang mga bata, tigulang ug adunay daang sakit kinahanglan magdoble pag-amping.(JENNIFER JR. DELICA)
Source: Zamboanga del Norte Provincial News Network