Nadakpan sa gihimong drug buy-bust operation sa mga personahe sa kapulisan ang duha ka negosyante nga nagnegosyo ug drugas mga alas 11:40 ang takna kagabhion niadtong Abril 12, 2026, didto sa Sitio Nasal, Brgy. Kamarangan, Sibuco, Zamboanga del Norte.
Ang maong mga dinakpan naila nga usa ka 43 ug 51 anyos puros negosyante ug parehong residente sa nasangpit nga lugar, kinsa gidakop pinaagi sa mga personahe sa Sibuco MPS MDET (lead unit) sa koordinasyon sa 2nd ZNPMFC tungod sa pag negosyo usab niini ug ilegal nga drugas nga hingpit nga paglapas sa R.A. 9165.
Nakumpiska atol sa operasyon gikan sa duha ka suspek mao ang nagkadaiyang sachet sa ilegal nga drugas ug mga butang nga dili druga.
Gibanabanang nga mutimbang sa 2 gramos ang nakumpiskang ilegal nga drugas nga adunay gibanabanang street value nga Php 13,600.00.
Ang mga suspek gipahibalo sa ilang mga katungod sa constitution.
Ang mga nakumpiskang ebidensya sa droga itugyan ngadto sa Regional Forensic Unit 9, Zamboanga City alang sa laboratory examination
Samtang ang mga suspek anaa na karon sa kustodiya sa Sibuco MPS alang sa hustong disposisyon.(MEDALYN U. BORJA)
Source: ZNPPO