DAPITAN CITY, ZAMBOANGA DEL NORTE — Nadakpan ang usa ka suspetsado sa gikasa nga joint buy-bust operation nga gihimo sa Dapitan City Police Station kauban ang 1st ZNPMFC sa Barangay Larayan.
Ang operasyon may kalabutan sa paglapas sa Republic Act No. 10643 o ang Graphic Health Warning Law, diin nasakmit ang mga ebidensya nga nagkantidad og ₱22,920 base sa standard market value sa Bureau of Customs.
Gipahigayon ang operasyon human sa koordinasyon sa mga otoridad, nga nagpakita sa padayon nga kampanya batok sa paglapas sa maong balaod.
Giawhag sa kapulisan ang publiko nga magpabiling alerto ug isumbong dayon ang bisan unsang kadudahang lihok sa ilang lugar.(JENNIFER JR. DELICA)
Source: Dapitan City Police Station ZNPPO