Siyam ka residente sa dakbayan sa Dipolog nga nakadawat og libreng operasyon sa katarata ang misuroy sa City Hall kagahapong adlawa, Nobyembre 28, 2025, aron personal nga mapasalamatan si Mayor Roberto Y. Uy ug ang City Government sa ilang tabang.
Ang operasyon gibuhat sa volunteer ophthalmologists sa St. Therese Hospital sa Oroquieta City, samtang ang dakbayan mihatag og suporta pinaagi sa pag-shoulder sa tanang medikal ug ubang galastuhan sa mga pasyente.
Gidayeg ni Mayor Uy ang ilang pagbisita ug mipasalig nga padayon ang paningkamot sa dakbayan sa paghatag og mas duol, mas dali, ug mas maayong serbisyo panglawas alang sa mga Dipolognon.(JENIFFER JR. DELICA)
Source/Photo Courtesy: Dipolog City Government