Sa padayon nga pagpaningkamot nga mapaayo ang kinabuhi sa mga mag-uuma,ang Lokal nga Pangagamhanan sa Gutalac mipang apod-apod sa Hybrid Rice Seeds ug Fertilizers ngadto sa mga rehistradong mag-uuma sa munisipalidad.
Ang maong kalihukan, nga gimugna pinaagi sa Municipal Agriculture Office ubos sa pagdumala ni Mr. Eugene Pacatang, gisuportahan usab sa Department of Agriculture (DA) aron mapalig-on ang sektor sa agrikultura ug matabangan ang mga mag-uuma nga mapauswag ang ilang ani ug panginabuhian.
Matud pa ni Gutalac Municipal Mayor Eddie Justin Quimbo, ang distribusyon sa mga binhi ug abono usa ka konkretong pamaagi sa pagpadayag sa Excellent Just Quality Services nga padayon nga gihatag sa iyang administrasyon alang sa katawhan sa Gutalac.
Gipasiugda usab niya nga magpabilin ang administrasyon sa pagpalambo sa agrikultura isip usa sa mga haligi sa pagkaon, trabaho, ug kalamboan sa lungsod. (IKEN B. GULLEM)
Source: LGU Gutalac- Public Information