Gipatuman sa City Government of Dapitan pinaagi sa City Agriculture Office ang pagpirma sa Memorandum of Agreement alang sa redispersal sa mga kalabaw ug turnover sa net fishing gear para sa mga mag-uuma ug mananagat sa syudad.
Gikan sa Barangay Aseniero ug Masidlakon, gipanghatag pag-usab sa mga mag-uuma ang ilang mga kalabaw ngadto sa mga kasilinganan sa Ba-ao, Aseniero, ug Masidlakon aron matabangan ang mga uma nga walay makinarya. Gipahimangnoan usab sa City Agriculturist ang mga benepisyaryo nga ampingan ang mga hayop alang sa padayon nga produksyon sa pagkaon.
Samtang usa ka reformed Person Deprived of Liberty gikan sa Barangay Taguilon ang nakadawat og net fishing gear gikan sa Economic Enterprise Office aron makatabang sa iyang panginabuhian. Nagpasalamat ang lokal nga pangagamhanan sa tanang barangay nga nakig-uban sa programa sa pagpalambo sa kabuhian sa mga Dapitanon.(JENIFFER JR. DELICA)
Source: City Government of Dapitan/Mayor Belen Uy