Ipatuman sa Municipal Government sa Leon B. Postigo ang “No Sail Policy” subay sa hulga sa Tropical Cyclone Tino nga nagdala ug kusog nga hangin, daghang pag-ulan, ug makuyaw nga kondisyon sa dagat.
Gidili ang tanang mangingisda ug mga sakayan sa dagat nga molawig sulod sa katubigan sa munisipyo hangtod nga ipahibalo nga luwas na ang panahon alang sa pagbiyahe sa dagat.
Ang lakang nagtumong sa pagpanalipod sa kinabuhi ug kahimtang sa mga mangingisda taliwala sa hulga sa bagyo.(JENIFFER JR. DELICA)
Source: PIA Zamboanga del Norte