Sa dili madugay, makadawat na usab og mga kalamboan ang duha ka barangay ning dakbayan sa Dipolog.
Kini human gi-aprobahan sa mga sakop sa Sangguniang Panlungsod, atol sa regular sesyon niini, Hulyo 11 ning tuiga ang duha ka managlahing resolusyones nga maghatag sa gahum og otoridad ni Mayor Darel Dexter T. Uy nga mopirma sa kasabutan sa ngalan sa syudad tali na sa Brgy. Sicayab kinsa gi-representahan ni Punong Barangay Julius B. Gajonera alang sa implementasyon sa pito ka mga proyekto.
Ang nasangpit nga mga proyekto naglangkob sa mosunod:
1.) Construction of Drainage Canal at Purok Daisy sa kantidad nga (estimated) Php300,000.00.
2.) Road Concreting at Purok Orchid sa kantidad nga (estimated) Php250,000.00.
3.) Road Concreting at Purok De La Paz sa kantidad nga (estimated) Php250,000.00.
4.) Road Concreting at Purok Gampiz/ECCD Road sa kantidad nga (estimated) Php250,000.00.
5.) Road Concreting at Purok San Roque sa kantidad (estimated) Php250,000.00.
6.) Road Concreting at Purok Madasigon sa kantidad (estimated) Php200,000.00.
7.) Road Concreting at Purok Bougainvilla sa kantidad nga (estimated)Php 200,000.00.
Samtang laing proyekto ang gikatakdang idapat usab sa Brgy. Estaka ning dakbayan ilawom sa pamunoan ni Punong Barangay Irvin A. Banga, nga nasayrang pagahimuon ang usa ka Foot Bridge dinha sa Governor Village nga gipundohan og Php665,000.00 diin ang Php315,000.00 niini ang magagikan sa panudlanan sa kagamhanang lokal sa Dipolog.
(Source: Dipolog City Government Facebook page)