Aktibong misalmot ang mga Emergency Medical Services (EMS) personnel sa Bureau of Fire Protection (BFP) Dipolog City sa usa ka orientation alang sa pagpatuman sa School-Based Immunization (SBI) Program niadtong Setyembre 2, 2025.
Uban sa liderato ni FCINSP Rommel S. Carpio, ang mga EMS personnel sa Dipolog City Fire Station mipakita sa ilang tinuod nga dedikasyon pinaagi sa aktibong partisipasyon sa gihimong orientation. Ang ilang pag-apil nagpakita sa padayon nga paningkamot sa BFP nga maprotektahan ang kahimsog ug kasigurohan sa komunidad.
Ang kalihokan gipasiugdahan uban sa kooperasyon sa lain-laing mga ahensya aron masiguro ang hapsay nga implementasyon sa programa sa immunization sa mga eskuylahan. Gilauman nga pinaagi sa aktibong kolaborasyon, mas mapalig-on ang kampanya batok sa mga sakit nga mapugngan pinaagi sa bakuna ug mas mapaayo ang kaluwasan ug kahimsog sa mga kabataan.
Ang BFP personnel nagpabilin nga andam sa pagpanguna dili lamang sa kaluwasan batok sunog ug emerhensiya, apan lakip na usab sa mga programa nga nagpunting sa panglawas ug proteksyon sa katawhan.(Jumalisa Papa)
Source: BFP R9 DIPOLOG CITY FIRE STATION