Mga nangungunang opisyal sa Department of Education (DepEd) mibisita sa buhatan ni Mayor Roberto Y. Uy alang sa usa ka courtesy call niadtong Setyembre 15, 2025, didto sa Mayor’s office ning syudad sa Dipolog.
Lakip sa mga mitambong sa maong panagtagbo mao si DepEd Regional Office IX Director Dr. Ruth L. Fuentes ug si Dipolog City Schools Division Superintendent Dr. Ma. Liza R. Tabilon.
Ang maong courtesy visit nagtimaan sa nagpadayon nga lig-on nga kolaborasyon tali sa Kagamhanang Dakbayan sa Dipolog ug sa Department of Education, ilabi na sa pagtutok sa kalidad sa edukasyon ug suporta alang sa mga estudyante ug magtutudlo sa syudad.
Gipadayag sa duha ka opisyal ang ilang pagpasalamat sa suporta sa lokal nga panggamhanan, samtang si Mayor Uy misiguro sa padayon nga pagtukod ug pakigtambayayong alang sa mas episyente ug epektibong mga programa sa edukasyon.(Jumalisa Papa)
Source: Dipolog City Government