Nasikop ang usa ka 38-anyos nga lalaki nga wanted sa kasong estafa atol sa gipahigayon nga joint law enforcement operaration sa kapulisan sa Dipolog City Police Station (CPS) didto sa Barangay Dicayas, ning dakbayan sa Dipolog niadtong nakalabay’ng adlaw.
Ang dinakpan residente sa Purok Nipa, Barangay Minaog, dakbayan sa Dipolog, kinsa gisikop tungod sa kasong Esatafa o (Article 315, 2A Revised Penal Code).
Ang operasyon gihimo pinaagi sa bisa sa warrant of arrest nga giisyu sa Regional Trial Court (RTC), 9th Judicial Region, Dipolog City, diin adunay girekomendar nga piyansa nga nagkantidad og PHP18, 000.00.
Ang dinakpan anaa na sa kostodiya sa Dipolog City Police Station alang sa tukmang disposisyon.(Jumalisa Papa)
Source: Dipolog CPS