Malampuson nga gipahigayon ang Family Day Celebration nga gipangunahan sa Kagamhanang Dakbayan sa Dipolog pinaagi sa City Social Welfare and Development Office (CSWDO), uban sa pakigtambayayong sa Early Childhood Care and Development (ECCD) Council ug sa koordinasyon sa Barangay Council sa Dicayas, niadtong Setyembre 15, 2025, didto sa Covered Court sa Barangay Dicayas, ning dakbayan sa Dipolog.
Ang kalihokan nagtinguha sa pagdasig sa panaghiusa ug paglig-on sa papel sa pamilya isip pundasyon sa usa ka lig-on ug malinawon nga komunidad, ubos sa tema: “Polisiyang Makapamilya Tungo sa Higit na Matatag, Maginhawa at Panatag na Pamilya sa Bagong Pilipinas.”
Mitambong sa maong selebrasyon sila si Assistant City Social Welfare and Development Officer Ms. Jovencia D. Gregory, Population Officer IV Ms. Rochene Marie N. Baylon, ECCD Focal Ms. Herma P. Campos, ug Punong Barangay sa Dicayas nga si Hon. Danilo C. Jebone.
Ang Family Day Celebration nagpakita sa padayong paningkamot sa Dakbayan sa Dipolog sa pagpatuman sa mga polisiya ug programa nga nakasentro sa pamilya, subay sa panan-awon sa “Bagong Pilipinas” nga nagtinguha sa mas lig-on, mas komportable, ug mas malinawon nga kinabuhi alang sa tanang Pilipino.(Jumalisa Papa)
Source: Dipolog City Government