Mas gipakusog sa Sindangan National High School ang kahibalo ug propesyonal nga kapasidad sa mga magtutudlo ug kawani pinaagi sa duha ka adlaw nga In-Service Training (INSET) nga nagtutok sa pagpauswag sa kalidad ug pagkaandam sa edukasyon nga nagdala sa tema nga “Strengthening Teacher Competence for Quality,Inclusive, and Future-Ready Education” diin gipahigayon ang kalihokan niadtong Septiyembre 12,2026.
Gitumong sa training nga masangkapan ang mga magtutudlo sa bag-ong pamaagi, kahanas ug kahibalo nga ilang magamit sa pag-atubang sa nag usab-usab nga panginahanglan sa mga tinun-an ug sa sektor sa edukasyon.
Kabahin sa mga nagpaambit sa ilang kahibalo ug kasinatian si Rev. Fr. Sandy T. Mallorca ug mga personnel sa Philippine National Police (PNP), nga midugang og lain-laing panan-aw ug praktikal nga mga leksyon alang sa mga partisipante.
Dili lamang kaalam sa pagtudlo ang gipasiugda sa maong kalihukan, kondili apil usab ang personal nga paglambo, pagtinabangay ug pagpalig-on sa dedikasyon sa mga magtutudlo sa ilang responsibilidad.
Human sa duha ka adlaw, malampusong gitapos sa eskwelahan ang INSET, uban ang panawagan nga ipadayon sa mga magtutudlo ang paggamit sa ilang bag-ong nakat-unan aron mapauswag pa ang serbisyo ug kalidad sa pagkat-on sa mga estudyante.(MEDALYN U. BORJA)
Source: DepEd Tayo-Sindangan National High School