Gipakita pag-usab sa Municipal Government of Salug ang ilang tibuok kadasig sa pagpanalipod sa datos ug impormasyon sa publiko pinaagi sa kalampusan sa Cybersecurity and Data Privacy Awareness Seminar nga gipahigayon para sa 23 ka empleyado sa munisipyo.
Ang maong aktibidad gipasiugdahan sa Department of Information and Communications Technology (DICT) Zamboanga del Norte pinaagi sa ilang Cybersecurity Team.
Sa panahon nga nagkadako ang paggamit sa digital nga mga serbisyo, giila sa LGU ang kahinungdanon sa pagkahibalo ug pagpanalipod sa personal ug pampublikong datos aron mapadayon ang pagsalig sa katawhan.
Ang seminar naghatag ug mahimayang impormasyon kabahin sa katungod sa mga Data Subject, pag-ila sa mga hulga sa cyberspace, ug pagpraktis sa labing maayong paagi sa cyber safety.
Pinaagi sa padayon nga edukasyon ug kahibalo sa data privacy ug cybersecurity, gisiguro sa LGU Salug nga samtang nagpadayon ang digitalisasyon sa mga serbisyo sa gobyerno, ang proteksyon sa datos sa katawhan magpabiling prayoridad ug dili makompromiso.(IKEN B. GULLEM)