Mipahigayon ug usa ka Consultation Meeting ug Focus Group Discussion (FGD) ang mga kawani gikan sa Community Environment and Natural Resources Office (CENRO) Manukan alang sa Piao River Watershed Characterization and Vulnerability Assessment, niadtong Mayo 1,2026, didto sa Brgy. Langatian Covered Court.
Ang maong kalihokan gikalambigitan sa mga mahinungdanong stakeholders diin gihisgotan ang gilangkuban sa 11,558.68 ka ektaryas ang kinatibuk-ang luna nga gihisgotan alang sa konserbasyon sa nahigutang kasubaan.
Sa samang higayon, nagkatigom usab ang mga representante gikan sa LGU, MGB-IX, DENR Regional Office-IX ug pinili nga mga representante sa komunidad gikan sa mga barangay sulod sa watershed alang sa pagkolekta sa mga baseline nga impormasyon ug mga insight gikan sa mga stakeholders aron suportahan ang nagpadayon nga watershed characterization ug vulnerability assessment.
Giisip kini nga usa ka plataporma aron mapataas ang kahibalo sa kamahinungdanon sa pagpanalipod sa watershed ug aron hisgutan ang angay nga mga estratehiya sa konserbasyon ug pagdumala sa mga resulta nga makatampo sa paghimo sa Watershed Management Plan.
Dugang pa ang teknikal nga personahe gikan sa CENRO Manukan mipahigayon sa ilang mga presentasyon sa Introduction to Watershed, Overview of Watershed Characterization, Talagsaong mga bahin sa Piao River, ug Biodiversity conservation, nga naglakip sa Focus Group Discussion (FGD) ug Adaptive Capacity Survey nga gihimo usab aron masusi ang pagkahuyang sa komunidad ug kapasidad sa pagpahiangay sa mga peligro nga may kalabotan sa kinaiyahan ug klima.
Tungod niini, usa ka open forum ang gihimo nga nagtugot sa mga partisipante sa pagpataas sa mga kabalaka, obserbasyon, ug rekomendasyon aron sa ingon niini mapalig-on ang pakigtambayayong sa mga lokal nga stakeholder ug mga Opisina nga nagtinguha sa pagsiguro sa malungtarong pagpanalipod ug pagdumala sa nasangpit nga Piao River Watershed.(MEDALYN U. BORJA)
Source: DENRZamPen