Nakadawat ang mga batan-ong estudyante sa Barangay Ilaya sakop sa Dakbayan sa Dapitan og mga gamit sa eskwela tugon sa Balik-Eskwela Project sa Sangguniang Kabataan (SK) ni Chairwoman Johanna Marie E. Siao kaniadtong dominggo, Agosto 28 sa Barangay Covered Court.
Niabot sa 99 na mga estudyante sa Grade 12 ug kolehiyo na lumulupyo sa Barangay Ilaya ang nakadawat sa Balik-Eskwela Supplies nga naay pad paper, face mask, clear envelope, ballpen, ug 16GB Flash Disk.
Dakong pasalamat sa mga estudyante sa maong lugar nga nakatipid na sila sa gasto para gamit sa eskwela.
Sa parehong adlaw, gi-anunsyo pud ni SK Chairwoman Siao na ang mga honor students sa miaging School Year makadawat pud og mga gamit sa eskwela isip pagpangandam sa face-to-face classes. Ang pagpanghatag pagahimoon karong Sabado, Setyembre 03 sa parehong lugar.
(Source: Dapitan City Information Division Facebook page)