Gimando sa Department of the Interior and Local Government ang pag-cluster sa pipila ka munisipyo ngadto sa jail facilities sa Dipolog ug Dapitan City pinaagi sa Department Order No. 2026-304 nga gipetsahan Abril 28, 2026.
Ubos sa maong mando, ang mga lungsod sa Katipunan, Manukan ug Roxas ilalom na sa Dipolog City Jail-Male Dormitory, samtang ang mga babayeng Persons Deprived of Liberty gikan sa Dipolog City, Dapitan City ug ubang kasikbit nga munisipyo pagadumalahan sa Dipolog City Jail-Female Dormitory.
Kabahin usab sa pagbag-o ang opisyal nga pag-ilis sa ngalan sa mga jail facilities diin mahimong Dipolog City District Jail-Male Dormitory, Dipolog City District Jail-Female Dormitory ug Dapitan City District Jail ubos sa BJMP Regional Office 9.
Sumala sa DILG, tumong sa maong reorganization nga mapalig-on ang jail administration ug masiguro ang mas organisado ug hapsay nga pagdumala sa mga Persons Deprived of Liberty sa Zamboanga del Norte.(JENIFFER JR. DELICA)
Source: Zamboanga del Norte Provincial News Network