Mipagawas ang City Health Office sa Dakbayan sa Dapitan, og Schedule alang sa ilang ipahigayon nga mga Serbisyo Publiko, sa tibuok usa ka semana nila nga mga pag-alagad sa mga katawhan, nga nanginahanglan sa ilang mga Serbisyo, diin ang nasangpit nga buhatan, gipangunahan ni Dr. Jidda Chan, ang City Health Officer sa Dapitan City.
Matud pa, nga sa adlaw’ng Lunes ug Miyerkules, sugod sa buntag hangtod sa hapon, ang ilang pag-atiman sa mga Dapitanon, nga modangop sa ilang buhatan, alang sa Medical Consultation, samtang sa pagka-adlaw nga Biyernes, taman lamang sa udto ang ilang pagdawat alang sa konsultasyon nga serbisyo.
Dugang pa niini, nga sa susamang mga adlaw, ila usab nga asikasohon, ang mga nanginahanglan og Dental Health Services, gawas lamang sa adlaw’ng Martes ug Huwebes, tungod kay bisitahan sa Team sa City Health Office sa nasangpit nga Dakbayan, ang mga kabarangayan, maingon man sa mao usab nga mga adlaw, mao ang issuance sa mga Health-Related Document’s, lakip na usab niini, ang Laboratory Services sa mga nag-mabdos nga mga kababayen-an.(Julius Esmade)