Nakadawat ug hinanaling tabang gikan sa Probinsiya sa Zamboanga del Norte, pinaagi sa Provincial Social Welfare and Development Office (PSWDO) ang mga residente nga nabiktima sa midahili nga yuta didto Don Eleno, Sergio Osmeña, Zamboanga del Norte, mga alas 10:00 sa buntag niadtong Hunyo 12,2026.
Ang maong pag-tunol sa hinabang gihimo sa pagpangulo ni Ms. Hannah Lou G. Mandantes sa PSWDO,kinsa mipakatap dayon og mga personahe sa apektadong lugar aron sa paghatag sa nasangpit nga hinabang ug pagsuporta sa mga paningkamot sa pagbakwit.
Giabagan usab kini sa koordinasyon sa Local Disaster Risk Reduction and Management Office (LDRRMO) alang sa paghimo ug operasyon inubanan sa Municipal Social Welfare and Development Office (MSWDO) sa Sergio Osmeña.
Nasayran nga mukabat sa kinatibuk-ang 45 ka mga pamilya ug nakamugna og partial damage sa 12 ka mga balay ang naapiktohan sa maong kalamidad.
Ang kagamhanang Probinsiyal nagpabilin nga komitado sa pagsiguro sa kaluwasan ug kaayohan sa tanang apektadong pamilya ug komunidad pinaagi sa padayon nga monitoring ug assessment samtang nagpadayon ang pag-ulan sa apektadong lugar.(MEDALYN U. BORJA)
Source: PSWDO Zamboanga del Norte