Gipahigayon nila Police Master Sergeant(PMSg) Arnel Bael ug Police Corporal(PCpl) Edgar Abestano Jr. ang Basic Arnis Training alang sa mga Barangay Tanod kaniadtong Oktubre 28, 2025, sa alas 1:30 sa hapon ubos sa direktang superbisyon ni Police Lieutenant Colonel(PLTCOL) Eva Joy E. Capurcos, Chief of Police sa Dapitan City Police Station.
Ang pagbansay gihimo atol sa unang adlaw sa Barangay Tanod Capacity Building and Skills Enhancement Training sa covered court sa Barangay Dawo, Dapitan City.
Ang maong pagbansay gitumong sa pagpalig-on sa kahanas ug kahibalo sa mga tanod sa laraw sa self-defense ug pagpangandam sa seguridad sa ilang tagsa-tagsa ka komunidad.
Gilauman nga pinaagi sa maong inisyatibo, mas mapaayo pa ang kalinaw ug kahusay sa Dapitan pinaagi sa mas andam ug masangkap nga mga Barangay Tanod.(JENIFFER JR. DELICA)
Source/Photo Courtesy: Dapitan City Police Station ZNPPO