Mi-Courtesy Visit sa buhatan sa ni Mayor Roberto Y. Uy, ang mga Atleta gikan sa Dipolog Blue Marlin Swimming Team, kauban niini si City Councilor Harrison T. Young, niadtong Hulyo 28, 2025.
Tumong sa nasangpit nga pagbisita sa naasoy nga mga Atleta, aron ilang ipadayag ngadto sa kang Mayor Uy, ang alang dakong pasalamat, sa gibuhat nga suporta sa kagamhanang lokal ning dakbayan sa Dipolog, sa ilang gisalmotan nga Long Course Swimming Competition (1st and 2nd Leg – Novice and Competitive Categories), diin kini didto gipahigayon sa Disud, Lungsod sa Sindangan, ning Probinsiya sa Zamboanga del Norte, niadtong Hulyo 26-27 ning maong tuig, diin naghakot ang nahisgutang mga Atleta og mga Medalya sa ilang nakab-ot nga kalampusan sa maong kompetisyon.
Matud pa, nga nakuha sa naasoy nga mga Atleta ang mga Medalya nga maoy sembolo sa ilang kadaogan, tungod sa pagpaningkamot sa ilang Coach ug Trainor, pinaagi nila ni Gib Sing Wong Jr. ug ni Mr. Al Isin, maingon man nila ni Assistant Playing Coaches Mr. Chaun Zion E. Nacaytuna ug Mr. Albner Jan E. Dayapdapan.
Samtang mibuhi usab og pahayag ang nasangpit nga mga Coach ug Trainor, ngadto sa mga Atleta, nga ilang nakita ngadto kanila ang Dedikasyon ug tinguha nga makab-ot ang gilauman nga kadaogan, tungod kay Diterminado matud pa ang maong mga Atleta sa ilang mga kaugalingon, maingon man nagpabilin ang pagka desiplinadoniini, maong dugang pa nga ilang pahayag, nga dili nila lisod makab-ot ang ilang mga pangandoy nga mamahimong kampyon sa ilang salmotan nga mas dagko pang kompetisyon sa natad sa Swimming.(Julius Esmade)
Source: CITY GOVERNMENT OF DIPOLOG