Sikop sa hiniusang pwersa ang usa ka lalaki nga nagpayuhot sa illegal nga druga didto sa Purok Rosas Barangay Dawo, Dapitan City Zamboanga del Norte. Sa may alas 3:15 sa hapon gisugdan ug natapos kini sa pagkumpiska sa may alas 5:00 na sa kahapunon,Mayo 23, 2025.
Ang dinakpang si Alyas Ronie,30 anyos, ulitawo apan dunay kapuyo ug usa ka mekaniko, residente sa Purok Rosas, Barangay Dawo, Dapitan City.
Ang buy- bust operation pinanguluhan sa mga personahe sa Dapitan CPS, uban usab sa koordinasyon sa ZNMARPSTA, 5th SOU,RMBF9 1st PMFC, ug sa ZNPDEU.
Ang mga nasakmit gikan sa posisyon sa dinakpan ang (1) usa ka gamay nga pakete nga adunay sulod nga gituhuang shabu, (1) usa medium size nga pakete nga adunay sa gihapon sulod nga gituhuang shabu. (1) usa ka 500 pesos nga tibuok isip buy-bust money nga adunay serial number #KZ467052, (1) usa ka gamay nga papel nga gipilo nga maoy gisudlan sa mga nakompiskang shabu,(1) usa ka unit nga cellphone.
Ang mga nakompiskang shabu adunay kinatibuk-ang timbang sa 3 gramos ug adunay banabanang nagkantidad sa standard drug price nga 14,100 ka pesos.
Ang mga nasakmit nga ebidensya gilayong giturn over sa ZN PROVINCIAL FORENSIC UNIT-9 para sa chemical nga Examination.
Samtang ang suspetsado ang naa na sa kostudiya sa Dapitan CPS ug mag atubang sa kasong paglapas sa RA 9165 kun Comprehesive Dangerous Drugs Act of 2002.(Angelica T. Obina)
Source: Dapitan CPS