Gihimo sa Liloy District Jail ang Medical Outreach Program alang sa Persons Deprived of Liberty o PDL isip kabahin sa pagsaulog sa ika-52 nga Nutrition Month. Gipahigayon ang kalihokan ubos sa pagdumala ni JCINSP Joseph Rey M. Lendio sa pakigtambayayong sa Rural Health Unit o RHU sa Liloy.
Gipangulohan ni Dr. Rosalyn D. Luis, Doctor to the Barrios o DTTB, uban sa tabang ni Fhecel Mae G. Fullo, Nutritionist-Dietitian Program o NDP, ang paghatag og medical consultation, health assessment, ug nutrition education aron mapalambo ang panglawas ug nutrisyon sa mga PDL.
Kabahin sa maong outreach ang pagsusi sa kahimtang sa panglawas sa mga PDL ug paghatag og kahibalo bahin sa hustong nutrisyon isip lakang sa paglikay sa mga sakit ug pagmintinar sa maayong panglawas.
Sumala sa Liloy District Jail, ang malampusong pagpahigayon sa kalihokan pinaagi sa panagtinabangay sa RHU ug mga personnel sa Bureau of Jail Management and Penology o BJMP nagpakita sa ilang padayon nga paningkamot sa paghatag og kalidad nga serbisyong panglawas ug pag-atiman sa kaayohan sa mga PDL.(JENIFFER JR. DELICA)
Source: Liloy District Jail- BJMPR9