Nag-ani og sitaw ang Liloy District Jail isip kabahin sa padayon nilang programa sa sustainable agriculture ubos sa pagpangulo ni JCINSP Joseph Rey M. Lendio. Gipangulohan ni JO1 Julie S. Gandipon sa Unit WD ang maong kalihokan aron mapadayon ang produksyon sa preskong utanon sulod sa pasilidad.
Kabahin ang maong pag-ani sa paningkamot sa Liloy District Jail sa pagpalig-on sa food sustainability, pag-atiman sa kalikupan, ug hapsay nga pagdumala sa mga kahinguhaan pinaagi sa mga kalihokang pang-agrikultura.
Giapil usab sa programa ang Persons Deprived of Liberty o PDL aron mapalambo ang ilang kahibalo ug kahanas sa panguma, isip kabahin sa ilang rehabilitasyon ug pagdasig sa pagbarug sa kaugalingon pinaagi sa produktibong mga buluhaton.
Sumala sa Liloy District Jail, ang maong inisyatiba nagpakita sa ilang padayon nga paningkamot sa paghiusa sa rehabilitasyon ug food sustainability pinaagi sa mga programang makatampo sa kaayohan sa mga PDL ug sa pasilidad.(JENIFFER JR. DELICA)
Source: Liloy District Jail- BJMPR9