Giablihan sa City Government of Dapitan ang Kinabayo Food Centrale isip kabahin sa opisyal nga pagsugod sa Kinabayo Festival 2026. Gipahigayon ang ribbon-cutting ceremony nga nagtimaan sa pag-abli sa usa sa mga nag-unang atraksyon sa kasaulogan diin gitanyag ang nagkalain-laing pagkaon, ilimnon, ug lokal nga mga produkto.
Gipangulohan ang seremonya ni Zamboanga del Norte First District Congressman Roberto “Pinpin” Uy Jr., Dapitan City Vice Mayor Gabriel M. Cad, mga miyembro sa Sangguniang Panlungsod, Provincial Board Members Jimmy Israel Patrick Chan ug Atty. Dario Mandantes. Mitambong usab si OIC-City Administrator Danilo S. Areños Jr., Dipolog City Vice Mayor Senen O. Angeles, Councilor Harrison T. Young, ug mga opisyal sa kapulisan aron masiguro ang kaluwasan ug kahapsay sa mga bisita sa pista.
Dul-an sa 80 ka lokal nga vendors ug micro-entrepreneurs ang nakigbahin sa Kinabayo Food Centrale pinaagi sa pagbaligya og nagkalain-laing lokal nga pagkaon, ilimnon, handcrafted products, ukay-ukay finds, ug premium EGBU products. Gilauman nga makatampo kini sa pagpalig-on sa lokal nga negosyo, pagdasig sa entrepreneurship, ug pagpalambo sa ekonomiya sa Dapitan.
Giawhag sa City Government of Dapitan ang mga residente, silingang komunidad, ug mga turista nga mobisita sa Kinabayo Food Centrale aron masinati ang lokal nga lami, kultura, ug kadasig sa negosyo atol sa Kinabayo Festival 2026.(JENIFFER JR. DELIC
Source: Dapitan City Government