Sa pag-obserba sa National Correctional Consciousness Week (NACOCOW) gihimo sa City Health Office sa pagdumala ni Dr. Rolito V. Cataluña ang Medical and Dental Outreach Program sulod sa Bureau of Jail Management and Penology sa Barangay Banonong, Oktubre 26.
Parte lamang kini sa semanang kalihokan aron matabangan ang mga Person Deprived of Liberty (PDL) nga mahatagan og kasulbaran ang ilang gihambing nga problema sa panlawas, ingon man pagmintina sa ilang dental health.
Gipaabot ni Dapitan City Jail Warden Insp. Sitti Benzone A. Abdulaha ang iyang dakong pasalamat ngadto kang Mayor Seth Frederick Jalosjos sa kanunay niining pagsuporta sa mga kalihokan sa City Jail ug paglantaw sa kinatibuk-ang kaayuhan sa mga PDL.
Sa karon anaa sa 74 ka mga PDL ang nakakustodiya sulod sa Dapitan City Jail diin anaa sa edad 19-anyos ang pinakabatang inmate mentras 73-anyos sab ang edad sa pinakatigulang nga giamuma sa Panggamhanang Lokal ug National aron pag-andam kanila sa kinabuhing gawasnon sa umaabot nga panahon.
(Source: Dapitan City Information Division Facebook page)