Naghatag og mensahe sa suporta ug pagdasig si DILG Provincial Director Mario A. Baterna sa mga barangay sa Municipality of Liloy atol sa pagbukas sa 3-Day Training on the Formulation of the Barangay Development Plan (BDP), Batch 2, nga gipahigayon sa Manuel’s Resort, Piñan.
Gipunting sa Provincial Director ang kahinungdanon sa maayong pagplano sa barangay isip pundasyon sa epektibong pagdumala ug responsive nga serbisyo publiko. Gidasig ang mga partisipante nga gamiton ang training isip oportunidad aron mas mapalig-on ang ilang kapasidad sa paglatid sa mga prayoridad ug programa sa komunidad.
Samtang, si LGOO VI Glendale A. Abao-Dela Cruz nagsilbing Resource Person ug naghatag og komprehensibong overview sa Barangay Development Planning (BDP) ug Capability Development (CapDev) Agenda Formulation. Ang sesyon nagtumong sa paggiya sa mga opisyal sa paghimo og development-oriented ug panginahanglan-based nga mga plano.
Ang maong training kabahin sa padayon nga paningkamot sa DILG sa pagpalig-on sa grassroots governance pinaagi sa estratehikong pagplano ug kapasidad-building sa lebel sa barangay.(JENIFFER JR. DELICA)
Source: DILG Zamboanga del Norte