Nagpadayon ang pasalig sa lokal nga panggamhanan sa paspas ug tinuod nga serbisyo sa katawhan pinaagi sa laing hugna sa Assistance to Individuals in Crisis Situations (AICS) payout nga gihimo niadtong Mayo 5, 2026 sa City Mayor’s Office.
Personal nga gipangulohan ni Dipolog City Mayor Roberto Y. Uy ang paghatag sa medical assistance ngadto sa mga benepisyaryo, nga nagpakita sa iyang direkta nga pag-atiman ug suporta sa mga residente nga nagkinahanglan og tabang.
Sa siyam (9) ka natumbok nga benepisyaryo gikan sa 21 ka barangay sa syudad, lima (5) ang personal nga nakadawat sa ayuda ug nakigkita mismo sa Mayor isip pagpasalamat ug courtesy visit.
Gitan-aw sa maong aktibidad nga dili lang kini ordinaryong distribusyon sa ayuda, kundili usa ka pagpamatuod sa padayon nga paningkamot sa syudad sa paghatag og hustong oras nga tabang, duol nga serbisyo, ug tinuod nga malasakit sa mga katawhan nga nagkinahanglan.(IKEN B. GULLEM)
Source: Dipolog City Government