Usa ka Joint Inspection ang gipahigayon sa Local Government Unit (LGU) Roxas kauban ang Department of Energy ug Department of the Interior and Local Government (DILG), alang pagmonitor sa mga fuel retail outlets taliwala sa pagsaka sa presyo sa lana, didto sa lungsod sa Roxas, Zamboanga del Norte niadtong Mayo 5,2026.
Ang maong kalihokan nagmalampuson pinaagi sa suporta sa mga kawani gikan sa Business Permit and Licensing Office (BPLO), Municipal Treasurer’s Office (MTO), Municipal Assessor’s Office (MAO), Municipal Planning and Development Coordinator (MPDC), Philippine National Police (PNP), ug Bureau of Fire Protection (BFP).
Tumong niining hiniusa nga inisyatibo mao ang masiguro ug mamintinar ang kalig-on sa lokal nga merkado nga adunay patas nga presyo, lambo nga transparency, ug aron mapakgang ang dili patas nga mga buhat aron sa ingon niini mapanalipdan ang kaayohan sa matag konsumidor.(MEDALYN U. BORJA)
Source: DILG Roxas