Gipahigayon sa Sindangan District Jail ang ikaduhang quarter nga drug testing activity niadtong Mayo 4, 2026 diin tanang resulta sa mga personnel ug Persons Deprived of Liberty o PDLs migawas nga negatibo.
Gipangunahan ang kalihokan ni Jail Chief Inspector Arvin Dan R. Aguito, Warden, uban sa pakigtambayayong sa Philippine Drug Enforcement Agency sa Zamboanga del Norte ug Rural Health Unit sa Sindangan.
Sa datos, 57 ka personnel o 96.61 porsyento, ang Star Team nga 100 porsyento, ug 35 ka PDLs ang miagi sa drug test, diin walay positibo nga kaso ang namatikdan.
Sumala sa BJMP, ang maong kalihokan kabahin sa pagpalig-on sa drug-free workplace policy ug BIDA program sa DILG aron masiguro ang disiplina, kaluwasan ug integridad sulod sa pasilidad.(JENIFFER JR. DELICA)
Source: Sindangan District Jail-BJMPR9