Aron masiguro ang hapsay nga pagdagan sa proyekto ug mapalambo ang konektibidad sa mga barangay, personal nga mipahigayon og ocular inspection si Dipolog Mayor Roberto Y. Uy sa ginahimong Biasong–Minaog Bypass ug Diversion Road niadtong milabay nga adlaw.
Kauban sa mayor sa pagmonitor ang mga opisyales sa City Government, lakip si Engr. Silvestre Sabando sa City Engineering Office, City Engineer Engr. Susan B. Ualat, City Planning and Development Coordinator Engr. Albert S. Alimpulos, ug City Information Officer Lorenzo A. Aseniero II.
Gisusi sa grupo ang kahimtang sa konstruksyon aron maseguro nga nasunod ang giaprobahan nga plano, espesipikasyon, ug kalidad sa trabaho. Gilauman nga sa dihang mahuman na, ang maong bypass ug diversion road makapahapsay sa trapiko ug makapalig-on sa koneksyon sa mga importanteng lugar sa Dipolog City.(IKEN B. GULLEM)
Source: Dipolog City Government