Personal nga mitambong si Mayor Roberto Y. Uy sa distribusyon sa pinansyal nga tabang alang sa mga pamilyang naapektuhan sa sunog sa Purok Tunggo, Barangay Minaog ning siyudad.
Gipahigayon ang distribusyon sa Assistance to Individuals in Crisis Situation (AICS) sa hapon sa Marso 9, 2026 sa 4th Floor Lobby sa City Hall, ug gipangunahan sa City Social Welfare and Development Office (CSWDO) ubos sa pagdumala ni Assistant City Social Welfare and Development Officer Jovencia D. Gregory.
Ang mga benepisyaryo mao ang mga pamilya nga naapektuhan sa sunog nga nahitabo niadtong Marso 5 sa maong lugar. Gihimo usab kini sa pakigtambayayong sa lokal nga pamunuan sa Barangay Minaog nga gipangulohan ni Punong Barangay Jonathan L. Pelegrino.
Sumala sa city government, ang maong tabang nagtinguha sa paghatag og agarang suporta ug kahupayan sa mga pamilyang naapektuhan sa sunog samtang nagpadayon sila sa pagbangon gikan sa insidente.(IKEN B. GULLEM)
Source: Dipolog City Government