Gisusi ni Liloy Mayor Roberto Lim Uy Jr., uban ni Sangguniang Bayan Member Feliciano V. Bolando, ang dagan sa mga nagkalain-laing proyekto sa lokal nga panggobyerno pinaagi sa pagbisita sa mga construction sites sa lungsod.
Lakip sa ilang gisuroy ang LDRRMO Building, SOCO Building, Government Center ug Planetarium aron tan-awon ang kahimtang sa mga proyekto ug maseguro nga nasunod ang gitakdang plano ug kalidad sa implementasyon.
Sumala sa lokal nga panggobyerno, kabahin ang maong site visit sa padayong pagmonitor sa progreso sa mga imprastruktura nga gitukod alang sa mas maayong serbisyo ug pasilidad para sa katawhan.
Gilauman nga makatampo kini sa pagpalambo sa edukasyon, inobasyon ug dugang oportunidad alang sa kalamboan sa komunidad sa lungsod sa Liloy.(JENIFFER JR. DELICA)
Source: Municipality of Liloy