Daling miresponde ang Bureau of Fire Protection Dipolog City Fire Station sa usa ka sunog nga miigo sa usa ka hotel sa Central Barangay, Dipolog City niadtong Disyembre 29, 2025.
Gipangulohan ni Fire Senior Inspector Aprilyn B. Barbaso ang operasyon, diin usa ka fire truck ug usa ka BFP ambulance ang gilusad aron mapalong ang kalayo ug matabangan ang mga naapektuhan. Pormal nga gideklarar ang fire out alas 6:34 sa gabii ni Senior Fire Officer ||| John Michael Bastasa.
Walay nasawi sa insidente, apan usa ka persona ang nasamdan ug gitabangan dayon sa mga responder. Padayon ang pahimangno sa BFP sa publiko nga magmatngon ug mosunod sa fire safety measures aron malikayan ang susamang insidente.(JENIFFER JR. DELICA)
Photo Courtesy: BFP R9 Dipolog City Fire Station