Mipahigayon sa iyang pinaka-unang Civil Wedding Ceremony si Mayor Evelyn T. Uy, isip Mayor sa dakbayan sa Dapitan, diin ang nasangpit nga Seremonya, didto gipahigayon nga City Mayor’s Office, nga atua nahimotang sa Dapitan City Government Center, sa Barangay Dawo sa naasoy nga Siyudad, niadtong nakalabay’ng adlaw, Hulyo 22, 2025.
Ang mapalad nga nanaghinigugmaay, nga Gihiusa sa Salag sa Kaminyuon ni Mayor Uy, pinaagi sa katungod nga gihatag kaniya sa Gobyerno ning Nasud nga Pilipinas, mao sila si Chia Chin isip Groom, samtang ang Bride giilang si Roann Acojedo.
Matud pa nga usa ka Makasaysayanon nga Okasyon ang nasangpit nga Civil Wedding Ceremony, tungod kay sukad nga milingkod isip Mayor sa Dapitan si Mayor Evelyn T. Uy, niadtong unang adlaw sa Bulan sa Hulyo. mao pa kini ang pinaka-unang nahiusa sa Salag sa Kaminyuon ang iyang napangunahan.
Mapasalamaton og dako ang bag-ong magti-ayon, kaubang ang ilang mga Principal Sponsors, mga Ninong ug mga Ninang, maingon man ang ilang mga Ginikanan, sa malampusong panaghiusa sa kaminyoan sa naasoy nga bag-ong Couple pinaagi sa Civil Wedding. (Julius Esmade)
Source: CITY GOVERNMENT OF DAPITAN