Hugtanon nga giangkon ni Mayor Darel Dexter Uy nga dili siya makahatag ug tukmang detalye kabahin sa cash deficit nga naangkon karon sa panudlanan sa syudad sa Dipolog.
Sigun pa sa mayor nga ang angay muhatag niini ug mga katin-wan mao lamang ang ilang city treasurer apan mag-usa na ka semana human maghibaw-an nga ang studad sa Dipolog adunay isyu nga dakong kantidad sa panalape nga deficit diin hantud karon wala pa gihapoy katubagan gikan sa buhatan sa treasurer.
Ang tubag lamang sa Mayor nganong adunay deficit tungod kay aduna silay daghan nga mga proyekto ug programa diin ila kining gi paspasan ug implimentar para sa dakbayan.
Kahinumduman nga ang dakbayan sa Dipolog adunay P9.454 million nga cash deficit gikan sa Trust Fund kun TF. Ug aduna pay laing P4.5 Billion sa Property, Plant and Equipment (PPE) ang hangtud karon kwestyonable pa.
Ug matud pa ang mga contribution sa mga kawani para sa Philheath, SSS, GSIS ug pag-ibig ang nasigpatan usab sa Commission On Audit (COA) nga wala giremit sa Dipolog Ciy Hall.(Angelica T. Obina)
Source: Dipolog Balita Express