Sikop ang usa ka Wanted person sa hiniusang operasyon sa Dapitan City Police Station (CPS), Mabuhay Special Booking Center – 5th Special Operations Unit (SOU), ug sa 901st Maneuver Company sa Regional Mobile Force Battalion (RMFB), PRO9, mga alas 3:30 ang takna sa hapon niadtong Abril 25, 2025, didto sa Barangay San Vicente, Dapitan City, Zamboanga del Norte.
Ang dinakpan nga wanted person naila nga si Teresita Balisco Bendaño, 46 anyos ,babaye ,vendor ug residente sa nahisgutang barangay,kinsa gidakop tungod sa paglapas sa National Building Code of the Philippines (Presidential Decree 1096), Section 301 in relation to Section 213 sa PD 1096, pinasikad sa warrant nga giisyu ni Hon. Hilarion Jonathan Garcia Maagad, Presiding Judge sa Municipal Trial Court in Cities (MTCC), 9th Judicial Region, Dapitan City, pinetsahan Abril 23, 2025, nga adunay girekomendar nga piyansa nga Php1,000.00.
Gipahibalo ang suspek sa hinungdan sa iyang pagdakop ug gipahibalo sa iyang mga katungod sa konstitusyon ug naka kustodiya na kini karon sa Dapitan City Police Station alang sa tukmang disposasyon ug dugang legal nga proseso.(Medalyn U. Borja)
Source: ZNPPO