Ang 174 ka PWDs nakadawat sa maong ayuda nga gipahigayon niadtong Abril 24, 2025 ang Payout sa Cash-for-Work program ngadto sa 174 ka Persons with Disabilities (PWD) sa Ground Floor, Government Center.
Ang maong programa gipinanguluhan sa Persons with Disability Affairs Office (PDAO) ug sa pakigtambayayong sa CSWD ngadto sa Department of Social Welfare and Development (DSWD) Region IX.
Ang matag benepisyaryo nakadawat ug kinatibuk-ang kwarta nga 4,140.00 ka pesos alang sa napulo (10) ka adlaw nilang pagtrabho,nga adunay inadlaw nga kita ug 414.00 ka pesos.
Ang pag apod apod gipanguluhan sa mga representative sa DSWD Region IX nga anaa sila si Social Welfare Officer III Ms. Jocelyn D. Decierdo, Project Development Officer II Mr. Efren J. Loyloy Jr. ug Financial Analyst II Mr. Fred G. Ramos.
Ang maong programa gahatag kini ug dakung tabang sa ilang paningabuhian sa mga PWD’s isip suporta sa ilang paningkamot ug partisipasyon sa mga community-based nga kalihukan.
Ang kagamhanang lokal kinsa makanunayong gapadayun sa paghimo ug mga inisyatiba sa paghatag ug mga pagtabang sa mga sektor nga kinsa kadtong nanginahanglan, pinaagi sa mga programa nga naghatag ug oportunidad sa ilang aktibong partisipasyon sa komunidad.(Angelica T. Obina)
Source: Dapitan City Government