Gipangulohan ni Dapitan City Mayor Belen T. Uy, isip Regional Chairperson sa Girl Scouts of the Philippines Western Mindanao Region, ang Opening Remarks sa 33rd Regional Camp nga gipahigayon sa Jardin de las Niñas Regional Program and Training Center sa Cabatangan, Zamboanga City.
Sa iyang mensahe, gipasiugda ni Mayor Uy nga ang maong kalihukan labaw pa sa usa ka kampo, kundili usa ka selebrasyon sa liderato, disiplina, teamwork, ug empowerment sa mga batan-ong babaye nga Girl Scouts sa rehiyon.
Iyang gipadayag ang iyang inspirasyon ug paglaum sa makita nga kusog, kumpiyansa, ug dedikasyon sa mga Girl Scouts, nga iyang giila isip mga kabatan-onang lider nga magdala og positibong kausaban sa ilang mga komunidad ug sa nasud.
Mipadayag usab si Mayor Uy og pasidungog ug pagdayeg sa mga organizers, leaders, volunteers, ug scouts nga naghimo nga malampuson ug makahuluganon ang kalihukan, samtang iyang gidasig ang mga Girl Scouts nga magpadayon sa pagpangulo uban ang kaisog, pag-alagad uban ang kasingkasing, ug pagbarug uban ang integridad.(JENIFFER JR. DELICA)
Source: Mayor Belen Uy