Opisyal nga gipormalisa sa Technical Education and Skills Development Authority (TESDA) ang pakig-partner niini sa Department of Science and Technology (DOST) ug Cagayan State University (CSU) aron matukod ang una nga C-Trike Kit Developer ug Training Center sa nasud.
Ang maong sentro, nga itukod sa Dipolog School of Fisheries, magserbisyo isip training hub alang sa mga lokal nga fabricator ug installer sa pag-convert sa tradisyonal nga mga tricycle ngadto sa electric-powered C-trikes gamit ang teknolohiya nga gihimo sa CSU Electromobility Research and Development Center.
Gilauman nga ang proyekto magmugna og mas berde ug malungtarong transportasyon sa probinsya ug maghatag og oportunidad alang sa mas maayong kabuhayan sa mga lokal nga mekaniko ug innovator.(JENIFFER JR. DELICA)