Gilauman nga mas mapaspasan na ang pagpatuman sa mga proyekto alang sa mga mag-uuma sa Zamboanga del Norte human mapaligon ang kahibalo sa procurement procedures sa mga opisyal sa Department of Agrarian Reform (DAR).
Kini human motambong ang Bids and Awards Committee (BAC) team sa tulo ka adlaw nga training sa Republic Act No. 120009 o New Government Procurement Act (NGPA) nga gipahigayon sa Ace Hotel, Pasig City.
Gipangulohan ang delegasyon ni Daisy Dell Suan Digamon, Provincial Agrarian Reform Program Officer II, nga miangkon nga ang bag-ong kahibalo sa procurement makatabang sa mas hapsay nga proseso sa bidding, pagpalit, ug implementasyon sa mga proyekto.
Sumala sa DAR, ang direktang resulta sa maong kapasidad-building mao ang pagminus sa mga delay sa procurement process ug mas episyenteng pagpagawas sa mga proyekto nga naghatag og serbisyo sa mga benepisyaryo sa agrarian reform.
Gilauman nga pinaagi niini, mas paspas nga makabenepisyo ang mga mag-uuma sa mga suporta sa gobyerno sama sa imprastruktura, livelihood assistance, ug ubang development programs.(IKEN B. GULLEM)
Source: DAR ZAMBONORTE