Tugpa sa Prisohan ang usa ka 25 anyos nga Lalaking Wanted sa Krimen nga Qualified Thift, pinaagi sa gipahigayon nga Joint Law Enforcement Operation, nga gipangunahan sa mga Personahe sa Dapitan City Police Station, didto sa Barangay Talisay, dakbayan sa Dapitan, Probinsiya sa Zamboanga del Norte, niadtong nakalabay’ng adlaw, Setyembre 08, 2025 sa may ala 1:45 sa hapon.
Giila sa Dapitan Pnp ang dinakpan sa alyas nga Jhon, 25 anyos, Ulitawo ug walay Trabaho, nga Lumolupyo sa Purok Maasin, sa nasangpit nga barangay ug Dakbayan, diin base sa pahayag sa Dapitan Pnp, nga atol sa ilang gipahigayon nga Operasyon, bit-bit nila ang Warrant of Arrest sa Krimen nga Qualified Theft, nga naka doket ubos sa Criminal Case No. 28225, nga giisyu ni Cherry Joy Carlotto Concha-Ageas, ang Presiding Judge of RTC, Ninth Judicial Region, Branch 10, Dipolog City, penitsahan og Setyembre 8, 2025.
Bisan paman sa nabuhat nga salaod sa naasoy nga Suspetsado, gitugotan gihapon kini nga maka angkon og temporaryong kagawasan, pinaagi sa pagtunol og kantidad nga Php60,000.00, isip piyansa niini sa iyang nabuhat nga kalapasan sa balaod, samtang ang nahisgutang dinakpan atua na ubos sa kustodiya sa Dapitan City Police Station, alang na sa tukmang Disposisyon.(Julius Esmade)
Source: ZNPPO