Sikop ang mga suspek nga nagluib nga si Judilyn Duarong Madrid, 45 anyos, minyo, ug iyang silingan nga si Ulysis Pahayahay Aboy, 51 anyos, ulitawo, parehong residente sa Barangay Nabilid, Roxas, ning probinsya.
Usa ka Reydil Gebone Bastasa ang niabot ug nipahibalo sa Katipunan MPS nga adunay nahitabong komosyon sa MCM Pension house, Barangay New Tambo, Katipunan.
Ang mga personahe sa PNP sa Katipunan MPS mipaingon sa lugar aron pagtubag sa maong taho.
Sa pag-abot sa eskena, ang PNP responding team dayon mihimo og inisyal nga imbestigasyon ug nasayran nga usa ka George Magcanta Madrid Jr., 47 anyos, minyo ug residente sa Barangay Nabilid, Roxas, nakakita sa iyang asawa nga si Judilyn Duarong Madrid og si Ulysis Pahayahay Aboy nga nisulod ug ni-check in sa Room 1 sa MCM Pension house, nahimutang sa Barangay New Tambo, Katipunan.
Gipahigayon dayon sa PNP responding team ang verification sa giingong lawak diin misulod sila si Madrid ug Aboy ug nasayran nga tinuod ang mga pamahayag ni George Magcanta Madrid Jr. Gidakop sa responding team ang duha ka mga suspek, dayong gidala sa Katipunan Rural Health Unit alang sa physical examination og sa Katipunan MPS alang sa tukmang disposasyon.
Source: PNP