Ang Malindang Run 2, malampusong napahigayon didto sa Gantao Hills, Tuburan, Sergio Osmeña, ZN kaniadtong Agosto 10, 2024 sa may alas 5:00 sa kabuntagon.
Ang maong okasyon gipasiugdahan ug gipanguluhan ni Atty. Jun Salatandre, President sa Mt. Malindang Crossborder Tourism, ug giatol usab sa iyang adlaw nga natawhan sa maong adlaw.
Gitambongan kini sa mga dumuduong nga mga partisipante gikan pa sa mga kasikbit nga probinsya ug ingon man sakop sa Zamboanga del Norte, nga adunay 250 ka mga runners.
Kahibaloan nga gitambongan usab kini sa atong PBA LEGEND ALVIN PATRIMONIO isip halangdong dinapit ni Atty. Salatandre ug anaa usab si Miss Dapitan 2024 2nd runner Up Seana Kyth Elola, diin siya ang mitunol sa mga medal matag abot sa mga runner sa finishing line.
Anaa usab ang mga sakop sa media diin sila ang misaksi, maghatag sa impormasyon ug pagpromote sa turismo ning atong probinsya sa Zamboanga del Norte.
Nagpaabot ug pasalamat si Atty.Salatandre ni Mr. Bong Bomediano nanag-iya sa Gantao Hills diin didto gisugdan ug gitapos ang nahisgutang Fun Run. Ug ingon man nagpreparar sa lamian paniudto sa mga bisita. Apil sa iyang gipasalamatan ang ubang nag sponsor nga wala magmakuli sa paghatag aron kini malampuson mapahigayon.
Anaa usab si Sheng Jumalon Bala Host sa maong program nga nangulo sa Mt. Malindang Cross Border Tourism Press Corps Organizing Team, MALINDANG RUN 2.
Ang tanang partisipante miuli nga malipayon bisan paman wala sila makadaug pero daku na kaayo ilang kalipay nga nahuman gayud nila ang 10km run kay matud pa lahi na usab mga kasinatian ang ilang nahimo isip runner ilabina sa tungason nga bahin sa maong lugar. (Angelica T. Obina)