Paslak sa prisohan ang usa ka Lalaking Mag-uuma, nga mi-sideline sa pagpayuhot og Iligal nga Drogang Shabu, piaagi sa gipahigayon nga Buy-Bust operation, nga gipagunahan sa mga personahe nga miyemro sa Municipal Drug Enforcement Team (MDET) sa Sibutad Municipal Police Station (SMPS), didto sa Purok 1B sa Brgy. Sipaloc, Lungsod sa Sibutad, ning Probinsiya sa Zamboanga del Norte, niadtong nakalabay’ng adlaw, Agusto 17, ning tuig 2025, sa may alas 6:20 sa sayong gabie.
Base sa pahayag nga giluwatan sa Sibutan Pnp, nga nasikop nila ang nasangpit nga Suspetsadong nailhan sa alas nga Mokong, 32 anyos, minyo nga Lumolupyo ra usab sa lugar nga gipahigayonan sa naasoy nga Buy-Bust operation, ug posetibo nila kining nasakmitan og 1 ka gamay nga naka Heat-Sealed Transparent Plastic Sachet, nga adunay sulod nga White Crystalline Substance, ug kini gituohang Shabu, nga motimbang og mokapin kon kulang sa 1 ka gramo, samtang gibana-bana usab ang kantidad niining makabat ngadto sa Php6,800.00.
Dugang pa nga pahayag niini, nga matud pa, nakuha usab pagbalik ang usa ka tibuok nga Php500.00 nga maoy gigamit isip Buy-Bust money sa maong operasyon, samtang nakumpiska usab atol sa naasoy nga operasyon ang usa ka unit nga Improvised Motorcycle nga kolor Green, diin walay kini Plate Number, Cover ug Muffler, maingon man ang sinsilyo nga nakantidad og Php15.00.
Gipadala gilayon ngadto sa ZN Provincial Forensic UNIT-9, ang nakumpiskang Iligal nga Drogang Shabu, alang na Chemical Examination, samtang ang dinakpan, atua na ubos sa kustodiya sa Sibutad MPS, alang na tukmang disposasyon, kinsa gihikay pa ang pagpasaka og kaso ngadto sa korte sa kasong pagsupak sa Republic Act 9165 (Comprehensive Dangerous Drug Act of 2002).(Julius Esmade)