Arestado sa gikasa nga hiniusang law enforcement operation sa mga operatiba sa kapulisan ang usa ka inila nga wanted person mga alas 10:47 sa buntag niadtong Hunyo 19, 2025, didto sa dalan 17-A, Barangay Dawo, Dapitan City, Zamboanga del Norte.
Ang operasyon miresulta sa malampusong pagkasikop sa suspek nga giilang si Edilberto Ruiz Japay, 63 anyos, lalaki, minyo, mag-uuma, ug residente sa Barangay San Nicolas, Dapitan City.
Ang pag aresto gihimo pinaagi sa hiniusang elemento sa 5th Special Operations Unit, Maritime Group (5th SOU-MG), Mabuhay SBC, ug Dapitan City Police Station nga pinasikad sa Warrant of Arrest nga giisyu ni Presiding Judge Hilarion Jonathan Garcia Maagad sa Municipal Trial Court in Cities (MTCC), 9th Judicial Region, Dapitan City, pinetsahan Hunyo 16, 2025, tungod sa krimen nga Attempted Homicide, nga nakadocket ubos sa Criminal Case No. 20881 nga adunay piyansa nga mobalor sa P36,000.
Ang dinakpan nga gipahibalo sa iyang katungod sa konstitusyon ug anaa na karon sa kustodiya sa Dapitan City Police Station alang sa pag atubang sa kaso batok kaniya.(Medalyn U. Borja)
Source: ZNPPO