Usa ka patay nga lawas sa usa ka lalaki ang naplgan,didto sa Dilawa River sakop sa Piñan, Zambonga del Norte mga alas 11:05 ang takna sa buntag, Agusto 10,2025.
Matod pa usa ka report ang nadawat sa mga personahe sa Piñan Municipal Police Station gikan sa Barangay Kapitan sa Dilawa, Piñan, Zamboanga del Norte, kabahin sa napalgan nga patay nga lawas sa lalaki.
Tungod sa maong taho,nirespondehan gilayon sa kapulisan ang nasangpit nga lugar, ug pag-abot sa mga alas 11:25 sa buntag, human sa tulo ka minuto nga gitagana nga oras alang sa pagtubag ug pagresponde niabot gilayon ang kapulisan.
Ang biktima naila nga usa ka 54-anyos nga lalaki, mag-uuma ug residente sa Barangay Dilawarok Avocared carado.
Sa inisyal nga imbestigasyon nasayran nga niadtong Agosto 9, 2025, sa mga alas 5:00 sa hapon, ang biktima, mipaingon sa iyang suba sa may Purok Avocado alang sa pagkuha sa iyang kabaw paingon sa daplin ug samtang nitabok kini gikatahong naanod siya sa kusog nga bul-og sa tubig tungod sa pagsaka sa tubig-baha.
Gilayon nga nagpahigayon ug search and rescue operations ang mga barangay officials ug ang pamilya sa biktima ug sa mga alas 6:00 sa buntag pagkasunod adlaw, Agosto 10, 2025, nadiskubrehan ang patayng lawas sa biktima sa Purok Nangca, Barangay Dilawa, ug gidala sa iyang pinuy-anan una pa gidala sa lokal nga punerarya.
Ang patay nga lawas sa biktima gipa ilawom sa post-mortem examination nga gihimo sa Rural Health Unit sa Piñan ug gikompirmar nga drowning-induced asphyxia ang hinungdan sa kamatayon, uban sa findings nga wala kini foul play.
Homan niini ang patayng lawas sa biktima gitugyan dayun ngadto sa iyang kabanay alang sa pagpahiluna niini.(Medalyn U. Borja)
Source: ZNPPO