Dipolog: Mabolokong natapos kagahapon ang Hudyaka Festival Zanorte 2024

0
7
(Photo courtesy of Angelica T. Obina)

Mabulokong gitapos kagahapong adlawa ang pagsaulog sa “HUDYAKA ZANORTE FESTIVAL 2024” diin nagdapit
Sa mga sikat nga banda ug sikat nga singer artist KRIS LAWRENCE, KADANGYAN BAND, AND CHOCOLATE FACTORY isip usa sa pag takyop sa mahinungdanon nga kasaulogon sa Probinsya sa Zamboanga del Norte sa Zamboanga del Norte Sports Complex.June 06 ning tuiga.

Ang maong pagtapos gidugukan kini sa mabagang duot sa katawan diin makita nato sa mga hulagway sa mga katawhan ang kalipay ug kalingaw sa gihimong konsyerto sa mga nahisgutang banda.

Matag usa kanila ang mipadangat ug pasalamaton kang Gov.Rosalina “Nanay Nene” Jalosjos,Provincial Admin.Wilberth “Jojo” Magallanes ug sa pamilyang Jalosjos nga nahimo silang dinapit ug nahiabot sila sa Dipolog nga nalipay ug nahugyaw ang mga katawhan sa ilang mga pasundayag.

Kahibaloan ang pagtapos gitambongan usab sa mga Mayores,opesyales sa tanang mga LGUs ug anaa usab si Prov.Admin Wilberth Jojo Magallanes,Pcol. Rainier Diaz diin anaa usab si Ret.Col. Ariel Oliva Querubin isip mamumulong sa maong pagtakyop sa festival.

Nasayran nga kagahapon usab ang awarding sa tanang mga pasundayag sa nahitabong festival.

Nasayran nga ang Lungsod sa Rizal ang nakadawat sa 1st prize,Polanco 2nd prize ug 3rd prize ang Lungsod sa La Libertad isip pinakanindot nga Booth, nga nahimutang sulod mismo sa Hudyaka Site.

Ang katawhan mapasalamaton kang Gov.Nanay Nene Jalosjos diin gihatagan ug kalipay ug kasadya ang tanan katawhan sa Zanorte sa higayon nga isaulog ang Anibersaryo sa Zanorte nga magkahiusa ang tanan pinaagi sa HUDYAKA FESTIVAL! (Angelica T. Obina)

Leave a Reply