Sa pagsaulog sa Linggo ng Kabataan, ang Local Youth Development Office (LYDO) ug Sangguniang Kabataan (SK) sa lungsod sa Salug mipanguna sa duha ka kalihukan nga nagpunting sa pagpanalipod ug pag-atiman sa kinaiyahan — ang Mangrove Planting Activity sa Lawis, Mucas, ug ang Tree Planting Activity sa Department of Agriculture, Lipakan, Salug, Zamboanga del Norte.
Ang unang kalihukan nga gihimo sa Lawis, Mucas, nahimong makahuluganon tungod sa aktibong pag-apil sa nagkadaiyang tanggapan sa Lokal nga Gobyerno sa Salug uban sa mga uniformed personnel, nga naghiusa sa usa ka tumong, ang pagpanalipod ug pag-atiman sa kalikupan alang sa mas maayong kaugmaon sa mga kabatan-onan.
Pagkahuman sa malampusong pagtanum ug mangrove, gipadayon sa kabatan-onan ang ilang misyon sa pagpreserba sa kinaiyahan pinaagi sa Tree Planting Activity sa Lipakan, diin ilang gitanum ang mga kahoy nga Narra alang sa mas berde ug mas himsog nga kinabuhi sa umaabot nga mga tuig.(IKEN B. GULLEM)
Source: Salug tourism