Gipasiugdahan sa Department of Information and Communications Technology (DICT) – Zamboanga del Norte Field Office ang Cybersafety and Data Privacy Awareness Seminar alang sa mga Persons Deprived of Liberty (PDLs) ug jail personnel sa BJMP Dipolog City Jail – Female Dormitory niadtong Oktubre 27, 2025.
Gitambongan kini sa 20 ka Persons Deprived of Liberty (PDLs) ug 15 ka jail personnel, nga nagtumong sa pagpalapad sa ilang kahibalo kabahin sa proteksyon sa datos, cybersecurity threats, ug sa responsableng paggamit sa impormasyon sumala sa Data Privacy Act of 2012 (RA 10173).
Ang aktibidad naghatag ug praktikal nga mga pamaagi aron malikayan ang mga hulga sa online sama sa phishing, scams, ug identity theft.
Gawas pa niini, gipasabot usab sa kalihukan ang importansya sa digital responsibility ug privacy protection, aron ang mga partisipante mahimong advocate sa luwas ug responsableng paggamit sa teknolohiya diha sa ilang komunidad ug pinuy-anan.(IKEN B. GULLEM)
photo courtesy: DICT IX BASULTA